«Türkmen aýna önümleri» kärhanasy

«Türkmen aýna önümleri» kärhanasy Ahal welaýatynyň Gökdepe etrabynyň Owadandepe obasynda guruldy we 2018-nji ýylyň 14-nji fewralynda dabaraly ýagdaýda açylyp ulanyşa girizildi. Bu kärhananyň ýyllyk taslama kuwwatlylygy 7 million 200 müň m² şertli gurluşyk aýnasy we 14 müň 400 tonna çüýşe gaplary bolup durýar.

Öndürilýän aýna listiniň galyňlygy 3 mm-den 12 mm çenli. Şeýle hem aýnany gaýtadan işleýän sehde sarp edijileriň buýurmasy boýunça reňklenen, laminirlenen, taplanan (berkleşdirilen) we beýleki aýna önümleri öndürilýär.