2022-nji ýylyň 16-njy dekabrynda hormatly Prezidentimiz Serdar  Berdimuhamedow sanly ulgam arkaly Türkmenistanyň Ministrler Kabinetiniň giňişleýin mejlisini geçirdi. Onuň barşynda ýurdumyzyň Ministrler Kabinetiniň Başlygynyň orunbasarlarynyň, welaýat häkimleriniň we Aşgabat şäheriniň häkiminiň hasabatlary diňlenildi. Gün tertibine şeýle hem ýurdumyzy durmuş-ykdysady taýdan ösdürmegiň meseleleri girizilen bu mejlisde şu ýylyň ýanwar — noýabr aýlarynda alnyp barlan işleriň netijelerine seredildi.  

Mejlisiň dowamynda Türkmenistanyň Ministrler Kabinetiniň Başlygynyň degişli orunbasary öz gözegçilik edýän gurluşyk we senagat pudagynda her bir ulgam boýunça şu ýylyň on bir aýynda  ýerine ýetirilen işleriň  netijeleri hakynda hormatly Prezidentimize hasabat berdi.

Türkmenistanyň Senagat we gurluşyk önümçiligi ministrliginde ýurdumyzda alnyp barylýan giň gerimli gurluşyklary gerek bolan gurluşyk önümleri bilen üpjün etmek, önümleriň çykarylýan möçberini we görnüşlerini artdyrmak, ýurdumyzyň senagat we gurluşyk önümçiligi pudagyny ösdürmek hem-de daşary ýurtlardan getirilýän gurluşyk harytlarynyň ornuny tutýan önümleri öz ýurdumyzda öndürmek, şeýle-de daşary ýurtlara eksport edilýän önümleriň hilini ýokarlandyrmak boýunça ähli zerur bolan işler durmuşa geçirilýär. 

2022-nji ýylyň ýanwar – noýabr aýlarynda Türkmenistanyň Senagat we gurluşyk önümçiligi ministrligi boýunça jemi öndürilen önümleriň we ýerine ýetirilen işleriň meýilnamasy 163,6 göterim ýerine ýetirildi. 

Tutuş ministrlik boýunça şeýle uly zähmet üstünlikleriniň gazanylmagyna onuň garamagyndaky edara-kärhanalar mynasyp goşantlaryny goşdular. Hasabat döwründe «Bäherden» sement zawody boýunça semendiň  öndürilişiniň ösüş depgini 155,5 göterim, «Balkan» sement zawody boýunça  öndürilen önümleriň ösüş depgini 188,8 göterim, «Lebap» sement zawody boýunça önümleriň öndürilişiniň ösüş depgini 114,1 göterim ýerine ýetirildi. Aşgabat şäheriniň «Demirbetonönümleri» kärhanasynda meýilnama boýunça  gurnama demir-beton önümleriniň öndürilişi 113,3 göterim ýerine ýetirilen bolsa, ösüş depgini 106,9 göterime deň boldy. Büzmeýin etrabyndaky «Demirbetonönümleri» kärhanasynda meýilnama boýunça gurnama demir-beton önümleriň öndürilişi 122,8 göterime we  ösüş depgini 122,3 göterime barabar boldy. Marynyň «Demirbetonönümleri» kärhanasynda bu görkezijiler degişlilikde 123,8 göterime we ösüş depgini 112,5 göterime deň boldy. Daşoguz şäheriniň «Demirbetonönümleri» zawodynda meýilnama 108,8 göterim we ösüş depgini 103,7 göterim ýerine ýetirilen bolsa, Zerger «Demirbetonönümleri» zawodynda meýilnama 105,8 göterim, ösüş depgini 110,8 göterim ýerine ýetirildi. «Demir mehaniki» kärhanasynda meýilnama boýunça demir gurnawlarynyň öndürilişi 100,3 göterime deň bolan bolsa, onuň ösüş depgini 100,2 göterime deň boldy. On bir aýyň jemi boýunça «Türkmendemirönümleri» döwlet kärhanasynda hem gowy netijeler gazanyldy. Bu kärhanada önümleriň öndürilişi boýunça meýilnama 101,6 göterim bolan bolsa, onuň ösüş depgini hem 101,4 göterime barabar boldy.

Ministrligiň edara-kärhanalarynda işleriň barşy manat pul birligine öwreniňde-de gowy netijeleri görkezýär. Mysal üçin hasabat döwründe «Bäherden» sement zawody boýunça sement önümleriniň öndürilişi 104 göterime deň bolan bolsa, onuň ösüş depgini 217,3 göterime, «Balkan» sement zawody boýunça önümler 102,7 göterime deň bolan bolsa, ösüş depgini 251,8 göterime barabar boldy, «Lebap» sement zawody boýunça senagat önümleriniň öndürilişi 108,8 göterime barabar bolan bolsa, onuň ösüş depgini 153,3 göterime deň boldy. Aşgabat şäheriniň «Demirbetonönümleri» kärhanasynda öndürilen önümleriň we ýerine ýetirilen işleriň meýilnamasy 113,3 göterim ýerine ýetirilen bolsa, ösüş depgini hem 112,1 göterime deň boldy. Büzmeýin etrabyndaky «Demirbetonönümleri» kärhanasynda meýilnama boýunça önümleriň öndürilişi 154,8 göterime we  ösüş depgini 154,8 göterime barabar boldy. Marynyň «Demirbetonönümleri» kärhanasynda bu görkezijiler degişlilikde 121,2 göterime we ösüş depgini 123,5 göterime deň boldy. Daşoguz şäheriniň «Demirbetonönümleri» zawodynda meýilnama 113,9 göterim we ösüş depgini hem 133,3 göterim ýerine ýetirilen bolsa, Zerger «Demirbetonönümleri» zawodynda meýilnama 188,7 ýerine ýetirildi. Bu zawodda öndürilýän önümleriň ösüş depgini hem 268,2 göterime barabar boldy. «Zarba» ýöriteleşdirilen döwlet kärhanasynda ýerine ýetirilen işleriň meýilnamasy 124,1 göterim bolan bolsa, onuň ösüş depgini 114 göterime barabar boldy, «Senagattaslama» taslama institutynda ýerine ýetirilen işleriň meýilnamasy 109 göterim bolan bolsa, işleriň barşy boýunça ösüş depgini 116,5 göterime deň boldy.

Türkmenistanyň Senagat we gurluşyk önümçiligi ministrliginiň agzybir işgärleriniň mundan beýläk hem hormatly Prezidentimiziň öňde goýýan wezipelerini we kabul eden maksatnamalaryny ýerine ýetirmek, ýurdumyzyň senagat we gurluşyk önümçiligi pudagyny has-da ösdürmek ugrunda yhlasly zähmet çekip, «Halkyň arkadagly zamanasy» ýylyny uly zähmet üstünlikleri bilen jemlejekdigine ynanýarys.