Türkmenistanyň Prezidentiniň 2003-nji ýylyň 13-nji noýabryndaky Kararyna laýyklykda, taslama kuwwatlylygy ýylda 1 million tonna sement öndürýän «Bäherden» sement zawody gurlup, 2005-nji ýylda ulanyşa berildi. Türkmenistanyň Senagat we gurluşyk önümçiligi ministrliginiň «Bäherden» sement zawodynyň düzümindäki Kelete önümçilik meýdançasy bilen bilelikdäki önümçilik kuwwatlylygy ýylda 1 million 686 müň 300 tonna barabardyr. 

«Bäherden» sement zawody Ahal welaýatynyň Bäherden etrabynyň çäginde ýerleşýär. Täze tehnologiýalar, döwrebap innowasion enjamlar bilen enjamlaşdyrylan bu zawod ýurdumyzyň senagat ulgamynyň ösüşine netijeli goşant goşýan kärhanalaryň biridir. Onda nebitgaz pudagy üçin zerur bolan tamponaž sementi, seýsmik taýdan durnukly köpgatly binalaryň gurluşygy üçin gerek bolan portlandsement hem-de köpri we beýleki gidrotehniki desgalaryň gurluşygy üçin zerur bolan sulfata durnukly sement öndürilýär, ýagny bu öňdebaryjy kärhanada TDS 751-2015, TDS 752-2015, TDS 753-2015, TDS 862-2016 döwlet standartlarynyň  bellenen talaplaryna laýyklykda, PS 500 G0-K, PS 400-G0-K, SDPS 400-G20-K, PST-1(51-100)С markaly portlandsement önümleri öndürilýär. Zawodyň dünýä standartlaryna laýyk gelyän sement önümlerine ýokary isleg bildirilýär. Häzirki wagtda «Bäherden» sement zawodynyň önümleri bilen tutuş ýurdumyzda alnyp barylýan iri möçberli gurluşyklar we ilatymyz üpjün edilýär, olar ýörite ýük awtoulaglary we ýörite ýük demir ýol wagonlary arkaly sarp edijilere ugradylýar. 

Türkmenistanyň Senagat we gurluşyk önümçiligi ministrliginiň «Bäherden» sement zawodynyň önümleri bilen şu salgydan has giňişleýin tanyşmak bolar: Ahal welaýatynyň Bäherden etraby.

Habarlaşmak üçin telefon belgisi: (+993 131) 3-15-36, (+993 131) 3-15-37.

Faks: (+993 131) 3-15-40

  Elektron poçtasynyň salgysy: baherdensement@sanly.tm