Her ýyl agzybir halkymyz Garaşsyz, hemişelik Bitarap Watanymyzyň baş baýramyny uly buýsanç we ruhubelentlik bilen garşy alýar. Eziz Diýarymyzyň Garaşsyzlyk baýramynyň öňüsyrasynda Türkmenistanyň Halk Maslahatynyň mejlisiniň geçirilmegi jemgyýetçilik agzybirliginiň, demokratik ýörelgeleriň dabaralanýandygyny alamatlandyrýar. 

Mälim bolşy ýaly, Halkara parahatçylyk we ynayşmak ýylynyň 19-njy sentýabrynda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň nobatdaky mejlisi geçirildi. Mukaddes Garaşsyzlygymyzyň 34 ýyllygynyň öňüsyrasynda geçirilýän umumymilli forumyň gün tertibine mähriban halkymyzyň bagtyýar we abadan durmuşyny üpjün etmäge, ýurdumyzyň durmuş-ykdysady taýdan mundan beýläk-de ösdürilmegine gönükdirilen möhüm meseleler girizildi. Ýurdumyzyň ýokary wekilçilikli edarasynyň mejlisine Ministrler Kabinetiniň Başlygynyň orunbasarlary, Mejlisiň deputatlary, ministrlikleriň we pudaklaýyn dolandyryş edaralarynyň, syýasy partiýalaryň, jemgyýetçilik guramalarynyň, köpçülikleýin habar beriş serişdeleriniň ýolbaşçylary, welaýatlaryň, etraplaryň we şäherleriň häkimleri, welaýat, etrap, şäher halk maslahatlarynyň agzalary, hormatly ýaşulular, mährem eneler, jemgyýetçilik wekilleri, beýleki adamlar gatnaşdylar.

Türkmenistanyň Halk Maslahatynyň mejlisinde Garaşsyz döwletimizde gazanylan üstünlikleriň netijeleri jemlenildi, ýurdumyzy mundan beýläk-de hemmetaraplaýyn ösdürmegiň ileri tutulýan wezipeleri ara alnyp maslahatlaşyldy. Milli Liderimiziň forumdaky çuň manyly çykyşynda Garaşsyzlygymyzyň şöhratly 34 ýylynda ýurdumyzyň ýeten sepgitleri, şeýle hem geljekde ähli ugurlar boýunça amala aşyryljak tutumly maksatnamalar öz beýanyny tapdy.

Gahryman Arkadagymyzyň belleýşi ýaly, Garaşsyzlyk we Bitaraplyk biziň biri-biri bilen berk baglanyşykly milli buýsanjymyzdyr, parahatçylygyň, ynanyşmagyň şöhratly ýoludyr. Garaşsyzlyk we hemişelik Bitaraplyk döwletimiziň mizemezliginiň, jebisligimiziň, ähli rowaçlyklarymyzyň esaslaryny düzýän taglymatymyzdyr. Garaşsyzlygymyzy berkitmek, hemişelik Bitaraplygymyzy Ýer ýüzünde dabaralandyrmak boýunça geçen ýolumyza nazar aýlanymyzda, her bir üstünligimiziň aňyrsynda Watana bolan söýgimiziň, halal zähmetimiziň, yhlasymyzyň ýatandygyny unutmaly däldiris diýip, hormatly Arkadagymyz sözüni dowam etdi. Garaşsyzlyk ýyllarynda şu günümiziň we geljegimiziň aýdyň bolmagy üçin ägirt uly işler bitirildi, belent sepgitlere ýetildi. Bu gün Garaşsyzlygymyzyň we Bitaraplygymyzyň binýatlary has-da berkidilýär. 

Bu taryhy maslahatda oňa gatnaşyjylaryň çykyşlaryna giň orun berildi. Bellenilişi ýaly, täze eýýamda Gahryman Arkadagymyzyň «Döwlet adam üçindir!», Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen ynsanperwer ýörelgeleri esasynda ýurdumyzda taryhy işler amala aşyrylýar, raýatlarymyzyň ýaşaýyş-durmuşy, zähmet çekmegi üçin iň gowy şertler  döredilýär, hemişelik Bitarap Türkmenistanyň halkara giňişlikdäki abraýy barha artýar.Pa­ra­hat dur­mu­şy­my­z, eş­ret­li za­ma­na­myz Milli Li­de­ri­mi­ziň dur­mu­şa ge­çir­ýän be­ýik iş­le­ri­niň, ýa­daw­syz zäh­me­ti­niň, Ar­ka­dag­ly Gah­ry­man Serdarymyzyň gün­de­lik ala­da­la­ry­nyň aja­ýyp mi­we­le­ri­dir. Gah­ry­man Ar­ka­da­gy­my­zyň ba­şy­ny baş­lan iş­le­ri­ni my­na­syp do­wam et­dir­ýän Ar­ka­dag­ly Gah­ry­man Serdarymyzyň ta­gal­la­la­ry bi­len ýur­du­myz­da uly ösüş­ler ga­za­nyl­ýar. Bag­ty­ýar hal­ky­my­zyň ýa­şa­ýyş-dur­muş de­re­je­si yzy­gi­der­li ýo­kar­lan­ýar.

Türkmenistanyň Halk Maslahatynyň mejlisine hormatly Prezidentimiz Serdar Berdimuhamedowyň gatnaşmagy we onda maksatnamalaýyn çykyş etmegi umumymilli forumyň ähmiýetini has-da artdyrdy. Döw­let Baş­tu­ta­ny­myz Ga­raş­syz­lyk ýyl­la­ry için­de ýur­du­myz­da ägirt uly iş­le­riň dur­mu­şa ge­çi­ri­len­di­gi­ni, yk­dy­sa­dy­ýe­ti­mi­ziň äh­li ugur­la­ry bo­ýun­ça düýp­li öz­gert­me­le­riň ama­la aşy­ry­lan­dy­gy­ny, Ga­raş­syz, he­mi­şe­lik Bi­ta­rap döw­le­ti­mi­ziň at-ab­ra­ýy­ny be­lent de­re­je­le­re ýe­ti­ren Gah­ry­man  Ar­ka­da­gy­my­zyň be­ýik baş­lan­gyç­la­ry, be­lent tu­tum­la­ry bi­len ata Wa­ta­ny­my­zyň kuw­wat­ly döw­le­te öw­rü­len­di­gi­ni bel­le­di hem-de pa­ra­hat­çy­ly­gyň we dost­lu­gyň ýur­dy, yg­ty­bar­ly hyz­mat­daş hök­mün­de ýur­du­my­zyň hal­ka­ra gi­ňiş­lik­dä­ki ab­ra­ýy­nyň bar­ha pug­ta­lan­ýan­dy­gy­ny aýt­dy. 

Hor­mat­ly Pre­zi­den­ti­miz çuň manyly çykyşynda milli ykdysadyýetimiziň ähli ugurlarynda, şol sanda gurluşyk we senagat toplumynda dur­mu­şa ge­çi­ril­ýän iş­ler ba­ra­da-da du­rup geç­di. Ga­raş­syz ýur­du­myz­da in­no­wa­sion önüm­çi­lik­le­ri dö­ret­mek bo­ýun­ça gur­lu­şyk we se­na­gat top­lu­myn­da uly iş­ler ama­la aşy­ryl­ýar. Top­lu­myň kuw­wa­ty­ny art­dyr­mak, bu ugur­da hu­su­sy işe­wür­li­giň önüm­çi­lik bin­ýa­dy­ny ös­dür­mek üçin ze­rur şert­ler dö­re­dil­ýär. Şu ýyl Ahal we­la­ýa­ty­nyň Bä­her­den et­ra­byn­da Bä­her­den ke­ra­mi­ki önüm­ler kär­ha­na­sy, paý­tag­ty­my­zyň   de­mir­ga­zy­gyn­da ýer­leş­ýän se­na­gat top­lu­my­nyň çä­gin­de bol­sa çüý­şe önüm­le­ri­ni ön­dür­ýän önüm­ha­na ulan­ma­ga be­ril­di. Bu des­ga­la­ryň işe gi­ri­zil­me­gi tä­ze in­no­wa­sion teh­no­lo­gi­ýa­lar esa­syn­da dün­ýä stan­dart­la­ry­na la­ýyk gel­ýän ýo­ka­ry hil­li önüm­le­ri ön­dür­mä­ge müm­kin­çi­lik ber­ýär.

Hi­mi­ýa se­na­ga­tyn­da tä­ze önüm­çi­lik­le­ri dö­ret­mek bo­ýun­ça hem ne­ti­je­li iş­ler dur­mu­şa ge­çi­ril­ýär. Hä­zir­ki wagt­da hi­mi­ýa se­na­ga­ty­nyň iş­gär­le­ri üçin Bal­kan we­la­ýa­ty­nyň Türk­men­ba­şy et­ra­by­nyň Guw­ly­ma­ýak şä­her­çe­sin­de ýa­şa­ýyş jaý­lar we bi­na­lar top­lu­my­nyň gur­lu­şy­gy al­nyp ba­ryl­ýar. Türk­men­ba­şy et­ra­byn­da kar­ba­mid ön­dür­ýän top­lu­my, Ahal­da­ky gaz­dan ben­zin ön­dür­ýän za­wo­dyň ikin­ji tap­gy­ry­ny, Le­bap we­la­ýa­ty­nyň Türk­me­na­bat şä­he­rin­dä­ki hi­mi­ýa za­wo­dy­nyň dü­zü­min­de mi­ne­ral dö­kün­le­ri ön­dür­ýän top­lu­my, Ma­ry we­la­ýa­ty­nyň Ma­ry  et­ra­by­nyň çä­gin­de mi­ne­ral dö­kün­le­ri ön­dür­ýän za­wo­dy gur­mak me­ýil­leş­di­ril­ýär.

Da­şa­ry ýurt­la­ra elekt­rik ener­gi­ýa­sy­ny yg­ty­bar­ly iber­mek, içer­ki sarp edi­ji­le­ri elekt­rik ener­gi­ýa­sy bi­len bök­denç­siz üp­jün et­mek bo­ýun­ça ne­ti­je­li iş­ler dur­mu­şa ge­çi­ril­ýär. Bal­kan we­la­ýa­ty­nyň Gy­zy­lar­bat et­ra­byn­da döw­re­bap, kö­pu­gur­ly Gün we ýel elekt­rik stan­si­ýa­sy­nyň ulan­ma­ga be­ril­me­gi ener­ge­ti­ka pu­da­gy­nyň müm­kin­çi­lik­le­ri­ni has-da art­dy­rar. Hä­zir­ki wagt­da Türk­men­ba­şy et­ra­by­nyň  çä­gin­de ut­ga­şyk­ly do­la­ny­şyk­da iş­le­ýän elekt­rik stan­si­ýa­sy­nyň gur­lu­şy­gy ýo­ka­ry dep­gin­de al­nyp ba­ryl­ýar.

Aw­to­mo­bil ýol­la­ry­ny döw­re­bap­laş­dyr­mak we ola­ryň dün­ýä stan­dart­la­ry­na ga­bat gel­me­gi üçin pu­da­gyň mad­dy-en­jam­la­ýyn bin­ýa­dy yzy­gi­der­li ber­ki­dil­ýär. Döw­let äh­mi­ýet­li aw­to­mo­bil ýol­la­ry­nyň gur­lu­şy­gy do­wam ed­ýär. Ga­ra­bo­gaz­köl aý­la­gy­nyň üs­tün­den geç­ýän aw­to­mo­bil köp­rü­si­niň gur­lu­şy­gy al­nyp ba­ryl­ýar. Ýa­kyn wagt­da Aş­ga­bat — Türk­me­na­bat ýo­ka­ry tiz­lik­li aw­to­mo­bil ýo­lu­nyň    Ma­ry — Türk­me­na­bat bö­le­gi açy­lyp ulan­ma­ga ber­ler. Şu­nuň bi­len bag­ly­lyk­da, hor­mat­ly Pre­zi­den­ti­miz gur­lu­şyk we se­na­gat top­lu­myn­da in­no­wa­sion hä­si­ýet­li kär­ha­na­la­ry, tä­ze önüm­çi­lik­le­ri dö­ret­me­giň gel­jek­de hem do­wam et­di­ril­jek­di­gi­ni aýt­dy.

Soň­ra türk­men hal­ky­nyň Milli Li­de­ri, Türk­me­nis­ta­nyň Halk  Mas­la­ha­ty­nyň Baş­ly­gy Gurbanguly Berdimuhamedow jem­leý­ji sö­zi bi­len çy­kyş et­di we  Türk­me­nis­ta­nyň Halk Mas­la­ha­ty­nyň mej­li­si­ni ýa­pyk di­ýip yg­lan et­di. Türk­me­nis­ta­nyň Döw­let se­na­sy be­lent­den ýaň­lan­dy.